अपी नम्पा संरक्षण क्षेत्र बि. स. २०६७ मा स्थापना भएको हो। उक्त क्षेत्र १,९०३ बर्ग. कि.मि. मा फैलिएको छ। उक्त क्षेत्रको सिमा पश्चिममा भारतसम्म र उत्तरमा चीनसम्म पुग्दछ। अपी नम्पा संरक्षण क्षेत्रले उक्त क्षेत्रको सम्पूर्ण ५ गाउँपालिका र एक नगरपालिकालाई घेरेको छ। यस क्षेत्रको कुल जनसंख्या ६०,००० छ जसमा ५२% महिला र ४८% पुरुष रहेको छ। यस क्षेत्रको नामाकरण दुई हिमालहरु अपी - ७,१३२ र नम्पा - ६,७५७ को संयुक्त समायोजन गरी गरिएको हो। उक्त क्षेत्रमा बिभिन्न प्रजातीका वन्यजीव र वनस्पति पाईन्छ र यहाँका मानव जातीलाई उनिहरुको सांस्कृतिक सम्पदाले झल्काउछ। यहाँका अग्ला हिमश्रृखला हिउँ चितुवाको आवास बनेको छ भने मध्ये-पहाड हिमाली कस्तूरी मृग र हिमाली कालो भालुको आवास बनेको छ। यहाँका बासिन्दाले उपयोगी र धार्मिक प्रयोजनका लागि बिभिन्न प्रजातीका रुख, झाडी र जडिबुटी बिभिन्न उदेश्यले प्रयोग गर्दछन। यस क्षेत्रमा सताब्दी अगी देखीनै बिभिन्न सामाजिक समूहहरू बस्दै आएका छन जसमा ब्राम्हण,क्षेत्री र दलित; र केही सँख्यामा ब्याँसी सौका, मगर र तामाङ रहेका छन।